最近公司話要探索下 AI 工具，想知道有咩好用，能唔能夠幫到我哋的工作。對於我呢個身處 IT 公司但冇 IT 背景的打雜同事來講，因為冇其他有IT 背景嘅同事幫手，只好盲摸摸試下唔同嘅 AI 工具。公司長期人手短缺，如果呢啲工具真係可以幫到手就好啦。
所以，我開始試用 Adobe Firefly 生成影片，點知就跌入咗一個無限輪迴。網上有好多 Adobe Firefly 嘅教學，喺呢度都唔再重複啦。大致上，你套餐入面有一堆點數，每按一次產生就會扣掉啲點數，唔同模型扣唔同點數，好似玩冒險樂園咁。
每段影片長度大約 5 秒，我打算生成不同影片(分鏡)，串連成一個公司產品的介紹短片，過程節錄如下:
分鏡(1) 表達電腦文件經常有病毒
第1次輸入： “一個人背向在使用電腦，螢幕上打開了一份文件，然後有多個warning彈出”
第1次產生：唔知點解出左隻怪獸，唔使再睇，直接再重做一次。
第2次輸入：沒有改動提示，只是重按產生。
第2次產生：今次結果好似比較合理，只是螢幕沒有文件的原素。
第3次輸入：沒有改動提示，只是重按產生。
第3次產生：今次終於有文件、有警告，但係警告上有怪獸圖案。
第4次輸入：改動提示，更仔細描述警告是什麼樣子。
第4次產生：警告有進步，但仍然有怪獸圖案，以及warning 串錯字了。咦? 為什麼又沒有了文件… 😭
結果在嘗試了x次之後，有文件、有感嘆號的警告彈出，但warning 依然是串錯的😭… 唔緊要，我再挑戰另一個影片試試。
分鏡(2)表達公司網絡遍佈全球
第1次輸入： “網絡不斷擴展至全地球”
第1次產生：網絡是有的，地球是有的，但一出來就是一個保護罩圍住地球，出唔到擴張的感覺。
第2次輸入：改動提示，更改描述字眼。
第2次產生：今次雖然不是從一點擴散出去，但是網絡的確有擴散的動向，不過多了一個地球，似攻佔了一個地球再攻佔另一個😂
結果在嘗試了十多次之後， 終於出了一個版本是可以接受的，十分欣慰，立即挑戰下一關。
分鏡(3)同事在進行網上會議
第1次輸入：”鏡頭見到一個網上會議的網格畫面, 超過20位專業人士參加”
第1次產生：完全接受唔到! 全部人樣都崩壞! 似萬聖節多過開會! 👻👽
試左N次之後, 依然沒有正常的人樣出現😭…把心一橫，選擇收費點數較貴的Google Veo 3.1 再產生。
第N+1次輸入：沒有改動提示，改用Google Veo 3.1再次重按產生。
第N+1次產生：果然一分錢一分貨😍雖然要付出多些點數，而且等候時間較長，但一次就成功了！要挑剔的話就是不知為何 “專業” = 背景一定有補光燈 🤣但整體質素十分好👍
總結，可能是本人資質問題，單單4個分鏡，使用了差不多2小時的時間，比起純粹在Adobe Stock 影片集中挑選似乎更複雜，但也不是不能用，只是有若干事項要注意:
- 使用Firefly Video模型產生人樣的話，失敗率非常高，如果鏡頭只有一個人樣成功率較高，如果鏡頭中有多個人樣，實驗中失敗率達100%
- 使用Firefly Video模型產生文字的話，失敗率100%
- 使用Google Veo 3.1 模型產生的話，產生人樣及文字都成功，但花費點數較多
AI定山埃？
如果你剛好差不多用完該月的套裝點數/計劃點數但必須要有些影片，咁Adobe Firefly 影片功能可以解燃眉之急。
個人而言，如非必要，我會選擇在Adobe Stock 下載標準影片，因為AI 產生影片的整個過程太難捉摸，點樣先可以用精準文字去描述影片簡直係燒腦🤣如果真係要用，寧願俾多些點數也要用Google模型！今次受命探索AI，無端端OT左6個鐘，仲要寫個報告俾公司，然後做番自己因為探索AI而未做既野，唔係我無嘗試精神，而係我真係一日無48個鐘。
文章由 八軒的豬肉丼 提供，如果你也在IT公司中工作，歡迎投稿IT公司社畜日記，一齊分享❤️。